E ardhmja e Romelu Lukakut do të jetë sërish zikaltër. Janë të bindur jo vetëm sulmuesi belg, por edhe drejteusit e Interit, që duan ta sjellin futbollistin nën urdhrat e Simone Inzaghit që në ditën e parë të grumbullimit.
Zikaltrit janë duke përgatitur strategjinë për të rikthyer Lukakun në Milano dhe pritet që në ditët e ardhshme Ausilio të përfundojë sërish në Londër, këtë herë për t’u paraqitur me një ofertë konkrete për sulmuesin belg.
Bëhet fjalë për huazimin me 10 milionë euro dhe detyrimin e blerjes në fund të sezonit për 25 milionë euro të tjera, në mënyrë që Lukaku të bëhet plotësisht i Interit, për një shifër totale prej 35 milionë eurosh.
Lexo edhe:
- Verstappen “arratiset” drejt titulli të tretë të Formula 1, ja nga cilët u plotësua podiumi i Çmimit të Madh të Austrisë
- Inter Miami nis nga “gjuetia” e yjeve, tashmë kërkon afrimin e Ramos dhe Jordi Alba
- Conference League, dy skuadra dardane në ekranin e SuperSport
- Realizoi 9 gola sezonin e fundit, Augsburg blen Mërgim Berishën nga Fenerbahce
Nga ana tjetër, edhe vetë sulmuesi belg është angazhuar personalisht për të ulur rrogën dhe njëkohësisht për të bindur drejtuesit e Chelsea-t që të pranojnë ofertën e Interit, si destinacioni i vetëm i miratuar prej tij.
Me Lukakun, Lautaron e Thuram, sulmi i Interit mund të konsiderohet i kompletuar, teksa i katërti që do të plotësojë repartin do të jetë argjentinasi Correa, i cili nuk ka bindur në dy sezonet e para me fanellën zikaltër.
