Çdo ditë një episod i ri në telenovelën Mauro Icardi-Wanda Nara. Këtë herë, nga Argjentina supozojnë se sulmuesi i PSG-së ia ka rrëfyer vetë Wandas tradhtinë me China Suarez.
Në fakt, bëhet fjalë vetëm për një puthje, sepse modelja e njohur për marrëdhëniet me personazhe të famshme “natën e krimit” në një hotel luksoz të Parisit ka patur ethe dhe nuk ka qenë në gjendje ta kënaqte më shumë Mauron.
Gazetarja argjentinase, Yanina Latorre, ka zbuluar një bisedë që ka pasur me Icardin:
“Më ka thënë se gjithçka kam treguar ka qenë e vërtetë. Ditën kur u takua me Chinan e kishte prenotuar dhomën e hotelit me emrin e lojtarit të polos, Facundo Llorente, ndërsa baxhanaku, Jakob von Plessen, ka fjetur në makinë. Eugenias (China) i ka dhuruar fanellën e PSG-së dhe se në telefonatën që ka pasur me të ka folur edhe Wanda.”
