Tre nga emrat më premtues të Kombëtares shqiptare të futbollit, Armando Broja, Marash Kumbulla dhe Qazim Laçi ishin jashtë ndeshjeve kualifikuese të EURO 2024 për muajin shtator, me “kuqezinjtë” që u ndeshën me Republikën Çeke në transfertë dhe Poloninë në “Air Albania”, për shkak të dëmtimeve.
Lexo edhe:
- Lewandowski: Shtatori shumë keq për Poloninë, ky rezultat është një turp!
- Duka: Zemra mal nga Kombëtarja dhe tifozët, është momenti të festojmë!
- Polonia kundër Santos pas humbjes ndaj Shqipërisë, trajneri: Kam fituar Europianin dhe nuk do të largohem
- VIDEO/ Shqipëria shtron rrugën për në Europian, mposht Poloninë dhe kryeson Grupin E
Nëse Broja dhe Kumbulla nuk ishin në listën e trajnerit Sylvinho, pasi janë në fazë rekuperimi, Laçi nga ana tjetër u detyrua të largohej nga grumbullimi.
Ndonëse nuk ishin fizikisht në fushë apo në ekip për këto ndeshje, e veçanërisht në triumfin në shtëpi ndaj Polonisë, tre djemtë “kuqezi” ishin shpirtërisht me ekipin e tyre të “zemrës”.
Të tre lojtarët kanë shfaqur mbështetjen e tyre edhe në rrjetet sociale, me Kumbullën që ishte fizikisht edhe në stadiumin “Air Albania” për t’i ndjekur shokët e tij nga afër.
Festës së ekipit “kuqezi” i është bashkuar edhe sulmuesi që nuk ishte në listë e Kombëtares për këto ndeshje, Armando Sadiku, që po ashtu ka gëzuar në rrjetet sociale për këtë sukses të “shqiponjave”.