Gian Piero Gasperini, trajneri i Atalanta-s, foli për kanalet zyrtare të klubit në prag të ndeshjes ndaj Liverpool në fazën e çerekfinaleve të Europa League.
Për teknikun italian të luash në “Anfield” është gjithmonë e mrekullueshme, ndërsa shtoi se në ndryshim nga hera e fundit në këtë ndeshje do ketë tifozë, gjë që ua vështirëson punën.
Lexo edhe:
- Luis Enrique: Humbën ndaj një kundërshtari të shkëlqyer, por asgjë nuk është mbyllur
- Xavi: Jam krenar për skuadrën time, suksesi erdhi edhe nga “La Masia”
- Një “martesë” për të tretën herë, Juventus i “fiksuar” pas Alvaro Moratës
- PSG-ja gati të paguajë 120 mln euro për Osimhen-in, sulmuesit i ofrohet kontratë 4-vjeçare dhe pagë shumë e lartë
“Anfield është një nga tempujt e futbollit botëror, të ardhurit për të luajtur këtu është gjithmonë një gjë e mrekullueshme. Emocionet këtë herë do të jenë edhe më shumë, sepse prezentë do të jenë edhe tifozët. Hera e fundit që erdhëm këtu ishte një periudhë e keqe, ajo e COVID-19, nesër do të jetë krejtësisht diçka tjetër”-tha fillimisht ai.
Më tej, trajneri i Atalanta-s theksoi se luajnë kundër një ekipi shumë të fortë dhe shumë të bukur për t’u parë.
“Ne luajmë kundër një ekipi shumë të fortë, më i bukuri për t’u parë. Ne vijmë këtu në momentin e tyre më të mirë, ka ndryshuar shumë në krahasim me katër vjet më parë. Për ne do të jetë një përvojë fantastike, e dobishme për të gjithë të rinjtë tanë që nuk kam ardhur kurrë këtu”-u shpreh Gasperini.
