Ballkani dhe Prishtina e mbyllin në paqe ndeshjen e javës së 18 në Superligën e Kosovës me 90-minutëshin që nuk prodhoi gola (0-0) dhe fitues. Një rezultat që lë më shumë të kënaqur kryeqytetasit e drejtuar tashmë nga ish-trajneri i Tiranës, Emmanuel Egbo.
Pas kësaj pike, të besuarit e trajnerit Ilir Daja mbeten në krye të kampionatit me 39 pikë, edhe pse kanë dy ndeshje për të rikuperuar. Nga ana tjetër, Prishtina renditet në vendin e pestë me 26 pikë.
Lexo edhe:
- VIDEO/ Ramadani shënon supergol dhe rikthen Leccen te fitorja
- Zyrtare/ Konfirmohet lajmi i SuperSport, Florent Hasani largohet nga Tirana
- VIDEO/ Porta bosh, Armando BROJA shpërdoron rast flagrant për gol
- VIDEO/ Ngjarje e përsëritur, Lockyer pëson atakun e dytë kardiak brenda 2023-shit në fushën e lojës
Në ndeshjen tjetër të javës së 18, Llapi fitoi në transfertë ndaj Lirisë me rezultatin 2-0. Miqtë shënuan nga një gol për pjesë me autor Hysenin dhe Namanin. Pas këtij trepikëshi, Llapi ngjitet në kuotën e 34 pikëve në vend të dytë ndërsa Liria që koleksionoi disfatën e katërt radhazi mbetet e fundit në klasifikim me vetëm nëntë pikë.
