“Është një mbrëmje e mrekullueshme, i gjithë ambienti i Interit e priste këtë moment. Ne fituam “Scudetton” në një mbrëmje të rëndësishme, këta djem në fitimin e këtij kampionati bënë diçka të jashtëzakonshme, fituan yllin e dytë”.
Kështu e komentoi zëvendëspresidenti i Interit, Javier Zanetti, fitoren e titullit të 20-të në histori, pas suksesit në derbin e Milanos.
Kur e kuptoi argjentinasi se kjo skuadër ishte e destinuar ta fitonte “Scudetton”?
“Që në fillim të gjithë donin të luanin një sezon të rëndësishëm dhe ne ishim të vetëdijshëm që ishim një ekip i fortë. Kampionati është i merituar. Sidomos në momente të vështira, se besimi në kulturën e punës nuk duhet të dyshohet, në kohë të vështira duhet të besosh edhe më shumë në të, ky ekip ka vlera të rëndësishme sidomos nga pikëpamja njerëzore.
Lexo edhe:
- Inzaghi si kampion i Italisë: Ne e donim sot titullin dhe ia dolëm, 6 trofe ne 3 vite nuk janë pak!
- VIDEO/ Manaj “shuan” Fenerin, sulmuesi i kombëtares protagonist në garën e titullit
- Gjoka rikthehet në stol, i besohet skuadra që lufton për titullin
- Inter kampione e Italisë, Agnelli “thumbon” zikaltërit: Ne yllin e dytë e fituam para 42-vitesh!
- Asllani, “në qiellin e shtatë”: Ndoshta ende s’e kam kuptuar që e kemi fituar
Në fund disa fjalë për Inzaghin: “I jashtëzakonshëm në radhë të parë si njeri. Dhe më pas shumë i mirë në menaxhimin e momenteve të vështira, ai beson në punë. Mendoj se as që e kupton atë që ka bërë, por ka bërë të lumtur miliona tifozë të Interit anembanë botës”.