Fitojnë Drita dhe Prishtina, në dy sfidat që mbyllën javën e 25-të në kampionatin elitar të Kosovës. Skuadra nga Gjilani iu fal golit të vonë të Raddy Ovouka për të thyer 0-1 Feronikelin.
Kongolezi tundi rrjetën e skuadrës vendase 11 minuta përpara fundit, duke i dhuruar skuadrës së tij tri pikë të rëndësishme për objektivin titull.
Drita renditet në vendin e tretë me 49 pikë, dy më pak se Ballkani kryesues dhe një poshtë Llapit të vendit të dytë.
Lexo edhe:
- VIDEO/ “Është një m..”, Griezmann shpërthen ndaj sulmuesit të Interit
- Lista/ Nagelsmann dërgon 26 ftesa, rikthim i madh te Gjermania
- Inzaghi “qan” rastet e humbura: Kishim mundësi të mbyllnim llogaritë
- “Jetoj i mbyllur në shtëpi, nuk njoh më veten!”, ish-sulmuesi i Italisë në depresion!
Prishtina, që humbi javën e kaluar kundër Dritës, shfryu ndaj Dukagjinit. Kundërshtar të cilin e mposhti 5-0!
Ardian Limani hapi serinë e golave për kryeqytetasit, ndërkohë që Mërgim Pefqeli dhe Genc Hamiti shënuan nga dy herë. Duke kompletuar suksesin me “manita”.
Kjo ishte fitorja më e thellë sezonale e ekipit të drejtuar nga Emmanuel Egbo, që renditet në vendin e pestë, një pozitë mbi skuadrën nga Klina.