Real Madrid u kualifikua në gjysmëfinalen e Champions League pasi eliminoi Manchester Cityn, në dy sfida që përfunduan në barazimin e përgjithshëm 4-4. Nga pikë e bardhë, lojtarët madrilenë dhe portieri Lunin u treguan më të saktë.
Një kualifikim i arritur me shumë sakrifica nga “Los Blancos”, teksa në “Etihad Stadium”, skuadra e Ancelottit u mbrojt thuajse gjatë gjithë ndeshjes me Cityn që kishte kontrollin total të lojës. Megjithatë, për Thierry Henry futbolli ka edhe aspektin difensiv, për të cilin shprehet se Reali e aplikoi në perfeksion.
Lexo edhe:
- McKennie romancë me motrën e futbollistit të Interit, zbulohen provat
- Eliminimi nga Champions, Gundogan kundër shokut të skuadrës: Na penalizoi të gjithëve!
- “Ishte i kuq”, sinqeriteti i gjermanit, Ter Stegen kundër Xavit
- U ndërpre prej alarmit “Ndicka”, Liga vendos për ndeshjen Udinese-Roma
“Në futboll është diçka që quhet mbrojtje. Mendoj se mund ta kontrollosh lojën edhe duke u mbrojtur mirë. Unë e di mirë se pjesa më e madhe e opinionit do të thonë se City ishte skuadra më e mirë, por mbrojtja është gjithashtu pjesë e lojës. Reali u mbrojt në mënyrë perfekte. Unë mendoj se u kualifikua ekipi më i mirë, ai që u mbrojt më mirë”, u shpreh Henry.
