Max Verstappen arriti “Pole Position-in” e pestë në pesë garat e para të këtij sezoni. Holandezi do të niset i pari të dielën në Çmimin e Madh të Kinës, teksa synon që të shkëputet edhe më tej në renditje për t’ia bërë më të lehtë vetes titullin e katërt radhazi kampion.
Por, “Pole Position” i pestë radhazi vjen edhe me rekord për 26-vjeçarin. Kështu, Verstappen lë pas në renditjen e pilotëve që kanë arritur më shumë “Pole Position” radhazi në startin e një sezoni emra si Senna, Villeneuve, Vettel dhe Hamilton, që janë ndalur në katër “Pole Position” radhazi.
Lexo edhe:
- E kryer/ Interi plotëson dëshirat e Lautaros, detajet e rinovimit
- Marrëveshja është arritur, zbulohet trajneri i ri i Bayernit
- Francesco Troise mban leksion si i ftuar special nga FSHF për kursantët e “UEFA PRO”
- Gjermania apo Bayern Munich? Nagelsmann vendos përfundimisht
Tashmë, në garat e ardhshme, Verstappen do të synojë ta shtojë rekordin teksa përpara tij janë Senna me Hakinen me pesë “Pole Position” radhazi nga fillimi i një sezoni, ndërsa me gjashtë është sërish Senna dhe Nigel Mansell teksa rekordin absolut e mban Alain Prost.
Francezi, me Williamsin e tij në vitin 1993 ia doli që të regjistronte kohën më të mirë për plot shtatë garat e para të sezonit. Duke parë dominimin e këtij sezoni, edhe Max Verstappen i ka të gjitha mundësitë për ta thelluar rekordin e tij me holandezin që tashmë duket se garon për të vendosur edhe më shumë emrin në histori pasi rivalët duken larg.
