Sabien Lilaj shënon një gol shumë të bukur në debutimin e tij me Sektzia Nes Tziona në Izrael. Ish-mesfushori i Skënderbeut që la Gabalan këtë verë për të kaluar te Sektiza Nes Tziona realizoi golin e vetëm për skuadrën e tij, në humbjen që Sektzia pësoi me shifrat 2-1 ndaj Beitar Jerusalem në Toto Cup, Kupën e Izraelit. Lilaj shënoi nga limitet e zonës një gol spektakolar me një goditje shumë të fortë me të majtën. Edhe pse skuadra e tij u mposht, start më të mirë për Sabien Lilajn në Izrael nuk mund të kishte.
