Këtë të shtunë në Bologna rikthehet i vetmi lojtar të cilin Inzaghi nuk e kishte lënë kurrë jashtë në 34 ndeshjet e para sezonale në të gjitha kompeticionet. Marcus Thuram ka fituar simpatinë e tifozëve por është dhe shumë i çmuar në fushë për vetë karakteristikat teknike dhe atletike.
Thuram ishte ndalur në pjesën e parë në takimin e parë të Champions kundër Atletikos, Marcus që deri në atë moment kishte qenë gjithmonë titullar në kampionat dhe vetëm në raste të rralla e kishte nisur nga stoli, u detyrua të mungonte kundër Lecces dhe Atalantës. Të hënën e kaluar me Genoan luajti në gjysmë orën e fundit.
Thuram është aktualisht në kuotën e 10 golave, ka kushtëzuar dy autogola të kundërshtarëve kundër Juventusit dhe Romës, dhe ka koleksionuar 7 asiste. Ndaj Bologna-s Inzaghi pritet ta impenjojë për të paktën një orë për ta futur në regjimin e plotë të ndeshjes për sfidën e të mërkurës kundër Atletikos së Madridit.
Mbetet për t’u parë nëse në fushë do të shihet sërish dyshja Lautaro-Thuram që në sfidën me Bolognën apo vetëm në Madrid, për të mbyllur një qark, duke qenë se të dy nuk luajnë së bashku pikërisht që nga sfida e parë me Los Colchoneros. Herët a vonë, edhe Lautaros do t’i duhet të pushojë, pa harruar se me një karton tjetër do të mungonte në takimin me Napolin në 17 mars.
Lexo edhe:
- Renditja e UEFA-s, Italia rrit epërsinë ndaj Gjermanisë, 5 skuadra në Champions?
- E rëndë/ U ngrinë gjymtyrët në stadium nga të ftohtët, u rekomandohet amputimi
- Apeli nuk e fal Bellinghamin, ndeshjet që do t’i mungojë Reali
Për këtë arsye nuk përjashtohet mundësia që në “Dall Ara” me Thuram mund ta nisë dhe ish-i Arnautoviç, i gatshëm të bëjë stafetë më pas me argjentinasin. Nuk duhet harruar dhe performanca në rritje e Sanchez ( një gol dhe 3 asiste në 3 takimet e fundit”), që nga ana e tij duhet të garantojë kualitet duke zëvendësuar Thuram në pjesën e dytë.
Lautaros nëse do të jetë nga minuta e parë, nuk i mungojnë motivimet. Nga njëra anë, përtej titullit, duhet të ndjekë edhe rekorde personale, në kuotën e 23 golave në kampionat do të provojë të thyejë rekordin zikaltër të Angelillo që në sezonin 58-59 arriti në kuotën e 33 golave, si dhe rekordin absolut të Serie A që mbahet nga 36 gola të shënuar në një sezon nga Higuain dhe Immobile.
Bolonja i risjell kujtime të hidhura, pasi në sfidën e parë në kampionat pasi shënoi Lautaro shkaktoi penalltinë që inspiroi barazimin 2-2 ndaj një kundërshtari që ishte në disavantazhin e 2 golave, ndërkohë që në 1/8 e Kupës së Italisë erdhi dhe gabimi nga penalltia që më pas solli eliminimin nga kompeticioni.
Si të mos mjaftonte Lautaro ndaj kuqebluve ka shënuar 3 gola, por të gjithë në “San Siro”. “Dall’Ara” është stadiumi ku ka luajtur më shumë minuta 341 pa shënuar asnjë herë në kampionat.