Hungaria arrin një fitore të madhe përballë Serbisë, teksa Italia dhe Danimarka bëjnë detyrën në shtëpi. Skuadra hungareze triumfoi 2-1 në një përballje të “çmendur” në “Puskas Arena” të Budapestit.
Ku nuk munguan traversa dhe shtylla në dy raste, teksa VAR-i anuloi edhe dy gola të skuadrës udhëtuese në pjesën e dytë të takimit.
Lexo edhe:
- “AUTOCHTHONOUS”, 9 vite nga nga droni që tërboi Serbinë!/ Shqipëria sërish prag kualifikimit në Europian
- Ndryshime në listën e Kombëtares, Sylvinho thërret një tjetër sulmues
- FOTO/ Akuzohet për baste, reagon për herë të parë presidenti i Lecces
- Festë para ndeshjes me Venezuelën, Neymar, Vinicius dhe Richarlison nën akuzë
Varga dhe Sallai (eurogol) realizuan golat e fitores për Kombëtaren e drejtuar nga italiani Rosi. Sukses ky që e ngjit Hungarinë në krye të grupit G me 13 pikë.
Ndërkohë, serbët, të cilët humbën edhe në Beograd, duhet të presin ende për të thyer Hungarinë në një ndeshje zyrtare.
Nga ana tjetër, Italia mposhti 4-0 Maltën në Bari, falë golave të bukur të Bonaventurës, Berardit (2x) dhe Frattesit.
Feston edhe Danimarka, që triumfoi 3-1 kundër Kazakistanit. Wind dhe Skov (2x) shënuan për skuadrën nordike, teksa golin e nderit për kazakët e realizoi Vorogovskiy.
Hungari-Serbi 2-1 (Varga 21′, Sallai 34′ / Pavlovic 33′)
Përfundon ndeshja në “Budapest Arena”, festë e madhe e lojtarëve dhe tifozëve hungarezë.
72′ Shans i artë për vendasit për të mbyllur takimin, por Bendeguz Bolla bën më të vështirën, gjuan jashtë.
71′ Dy shtylla të njëpasnjëshme nga Aleksandar Mitrovic dhe Strahinja Pavlovic. Serbët nuk u besojnë syve.
67′ Shpëton skuadra serbe. Gjuajtje e bukur me kokë e Barnabas Vargas, topi ndalet në traversë.
53′ Tjetër gol i anuluar për serbët. Nuk ka festë për Mitrovic, pasi pozicioni i Dusan Tadic është i parregullt.
51′ Aleksandar Mitrovic shtyn topin në rrjetë, anulohet goli për pozicion të parregullt të Sergej Milinkovic-Savic.
34′ Goooooooool! Festa e skuadrës udhëtuese zgjat pak sekonda. Sulmuesi i Freiburgut, Roland Sallai shënon një supergol. Hungaria rikthehet në avantazh.
33′ Strahinja Pavlovic realizon me kokë. Barazohet ndeshja në “Puskas Arena”.
21′ Gooooooooooool! Hungaria në avantazh. Asist nga Loic Nego, finalizim i bukur i 28-vjeçarit Barnabas Varga.
Itali-Maltë 4-0 (Bonaventura 23′, Berardi 45+1′, 63′, Frattesi 90+3′)
90+3′ Davide Frattesi kompleton suksesin me “poker” të kampionëve në fuqi të Europës.
63′ Italia shënon edhe golin e tretë, i dyti personal për Domenico Berardin.
45+1′ Tjetër gol i bukur i Italisë. Domenico Berardi dërgon shifrat në 2-0.
23′ Eurogol i Jack Bonaventurës, Italia kalon në avantazh.
5′ Gianluca Mancini gjuan me kokë pas krosimit nga goditja e këndit, topi përplaset në traversë.
