Roma kthehet pa pikë nga Bologna, ku pësoi humbjen e pestë sezonale në Serinë A. Në “Dall’Ara” verdhkuqtë e patën të pamundur të shënonin qoftë një gol në mungesë të Lukakut, Dybalas dhe Zalewskit, që mungonin për arsye pezullimi dhe dëmtimi.
Skuadra e drejtuar nga Tiago Motta u shfaq më e qartë në lojën e saj, duke konkretizuar dy herë në portën e Romës.
Në minutën e 37-të realizoi Moro, pas një kundërsulmi të shpejtë të vendësve, ndërsa në të 49-tën Kristensën shënoi në portën e tij.
Me këtë fitore Bologna ngjitet në vendin e katërt me 28 pikë, duke kapërcyer plot tri skuadra në renditje, përfshirë dhe Romën.
Lexo edhe:
- VIDEO/ Ramadani shënon supergol dhe rikthen Leccen te fitorja
- Zyrtare/ Konfirmohet lajmi i SuperSport, Florent Hasani largohet nga Tirana
- VIDEO/ Porta bosh, Armando BROJA shpërdoron rast flagrant për gol
- VIDEO/ Ngjarje e përsëritur, Lockyer pëson atakun e dytë kardiak brenda 2023-shit në fushën e lojës
Golat:
Roma e mbyll me humbje pjesën e parë të ndeshjes me Bolognan në transfertë. Në minutën e 37-të, Moro përmbylli me gol një kundërsulm të shpejtë të vendësve, duke përfituar edhe nga rreshtimi i gabuar i mbrojtjes verdhekuqe, 1-0.
Pëson golin e dytë Roma pak minuta pas nisjes së pjesës së ditë. Kristensen kapet në kundërkohë në tentativë për të shmangur golin, duke e dërguar topin në rrjetën e portës së verdhekuqve. Autogol klasik, 2-0.
