Pasi përfundoi aventurën në krye të Aston Villa-s në muajin tetor të vitit 2022, Steven Gerrard planifikon rikthimin e tij në detyrën e trajnerit. Së fundmi, legjenda e Liverpool ka udhëtuar drejt Turqisë teksa është pranë marrëveshjes me klubin e Trabzonspor.
Sipas mediave turke, Gerrard është takuar në Stamboll me zëvendëspresidentin e Trabzonspor, Ertugrul Dogan. Në fakt, aktualisht klubi nga Trabzoni është pa një president dhe Dogan po garon për ta marrë këtë rol ndërsa është favoriti kryesor.
Lexo edhe:
- VIDEO/ Rrahmani gjen rrjetën dhe vulos fitoren e Napolit ndaj Atalanta-s
- VIDEO/ Seferi i pandalshëm, shënon golin e shtatë në Ukrainë
- Guardiola elozhe për mesfushorin: I shkëlqyer, por jo sa unë! Kundër Crystal Palace ishim perfekt
- Mposhti sëmundjen e keqe dhe i solli fat skuadrës kundër Liverpool, rikthehet pas 525 ditësh
Nëse ia del atëherë është e sigurt se anglezi do të jetë në krye të turqve. Aktualisht, Trabzonspor renditet në vendin e gjashtë të kampionatit, pesë pikë larg zonës europiane që do të ishte edhe objektivi kryesor nëse Gerrard vendoset në krye të skuadrës.
