Trajneri i Dinamo-s, Dritan Mehmeti deklaroi nga emisioni “Elite Show” në “SuperSport” se qëllimi kryesor i tij kur mori drejtimin e “bluve” ishte qëndrimi në Kategorinë Superiore.
Megjithatë shtoi se kampionatit nuk i dihet asnjëherë, ndaj dhe tani ndodhen në vend të katërt.
Lexo edhe:
- Probleme në gjurin e djathtë, Juventus humbet sulmuesin
- Nga Gjimshiti te Muçolli, kuqezinjtë në skanerin e “Analizë Kuqezi”
- Marotta paralajmëron lamtumirën nga Inter: Mbaron kontrata, dua një tjetër eksperiencë!
- Barcelona nuk pret më, kontrata pesëvjeçare dhe klauzolë 100 milionë për talentin
“Në situatën që e kam marr unë skuadrën bëra një marrëveshje me presidentin, ku vendosëm si të vetmin objektiv qëndrimin në kategori, pasi në atë moment nuk kishim pritshmëri për më tepër, por siç e shohim tani asnjëherë nuk i dihet dhe ja ku jemi”-u shpreh Mehmeti.
Momentalisht Dinamo renditet në vend të katërt të Kategorisë Superiore, me 46 pikë të grumbulluara në 31 ndeshje.