Rafael Nadal ende nuk ndjehet gati për të dhënë maksimumin e tij në një fushë tenisi. Spanjolli siç e ka deklaruar prej kohësh është i fokusuar për të mbërritur në formë në turneun e tij të preferuar, Roland Garros në Paris, aty ku mban edhe rekordin me 14 tituj. Gjithsesi, pavarësisht formës jo optimale, 37-vjeçari do të marrë pjesë në turneun e Madridit teksa theksoi se këtë po e bën vetëm për të ndjerë dashurinë e publikut të tij.
“Në Madrid kam ndjerë gjithmonë një mbështetje të madhe dhe prandaj do të marrë pjesë edhe në këtë turne. Në fakt, kudo e kam pasur mbështetjen e publikut tim, por këtu në Madrid është një atmosferë tjetër. Do të zbres në fushë edhe pse nuk jam në më të mirën time, shërbimi është përmirësuar deri diku, por aspektet e tjera jo. Por, duke qenë se do të luaj këtu për herë të fundit, atëherë duhej të bëja një sakrificë.
Lexo edhe:
- Klube të Serisë A kërkojnë Shpendin, e zbulon drejtuesi i Cesenës
- Bellingham “lan me ar” Dortmundin, verdhezinjtë fërkojnë duart me fenomenin anglez
- “Unë ose Allegri te Juvja”, sulmuesi u vendos ultimatum bardhezinjve
- “Je mbrojtës e marrtë dreqi”, legjenda holandeze: Tani e kuptoj pse Guardiola nuk e do Cancelon!
Roland Garros? Do të jetë e vështirë, nuk dua të zhgënjej askënd. Duhet të presim se çfarë do të ndodhë në tre javët e ardhshme. Objektivi është të marrë pjesë, por nëse nuk ia dal atëherë nuk kam çfarë të bëj. Nëse Roland Garros do të ishte sot, atëherë nuk do të mund të luaja. Në Paris do të marr pjesë vetëm nëse ndjehem kompetitivë, përndryshe nuk ka kuptim.
Nuk përfundon gjithçka me Roland Garros, është edhe Olimpiada përpara. Jeta vazhdon”, u shpreh Nadal. Rafael Nadal do të zbresë më datë 25 prill në fushën me dhe të Madridit për t’u përballur me Darëin Blanch, 16-vjeçar nga Amerika.