Erzeni mori maksimumin në përballjen e fundit të vitit 2023 në kampionatin shqiptar, duke mundur në “Air Albania” 1-2 Partizanin. Kampionët regjistrojnë ndeshjen e shtatë radhazi në kampionat pa fitore, teksa pas 6 barazimesh munden në shtëpi.
Erzeni arriti që të shënojë i pari që në të 12-ën me Mihanën që realizoi një gol mjaft të bukur. Të kuqtë reaguan menjëherë, teksa 5 minuta pas golit Maguette goditi traversën.
Lexo edhe:
- Tsimikas rrezikon 8 javë jashtë fushë së blertë, Saka kërkon falje për ndërhyrjen e gabuar
- Mazzarri: Humbja ndaj Roma-s? E gjeta Napolin me probleme, kalendari ishte shumë i vështirë këto javë
- Mourinho: Në janar nuk mund të bëjmë atë që duam, me grupin e plotë jemi shumë të fortë
- Marotta zbulon planet e merkatos: Ja kush vjen në janar
Në të 38-ën, Hadroj ndërhyri ndaj Zekës. Gjyqtari kërkoi ndihmën e VAR-it e pasi pa pamjet sinjalizoi penallti. Nga pika e bardhë, Karimahnovic u tregua i saktë, duke realizuar të dytin për shijakasit.
Pjesa e dytë nisi vrullshëm për Partizanin, qe gjeti golin me Bintsuka në të 53-ën. Dy minuta më vonë, kampionët në fuqi fituan një 11-metërsh, megjithatë Tedi Cara u ndal nga Hasanbelli.
Erzeni e kontrolloi mirë lojën në vijim dhe mori 3 pikët që e nxjerrin nga zona e rënies dhe e mbyll vitin me 21 pikë pas 18 javësh, duke lënë pas Kukësin e Teutën. Në anën tjetër, Partizani mbetet i dyti me 32 pikë.
