PSV Eindhoven do të luajë ndaj Heerenveen të mërkurën e ardhshme, sfidën e javës së 31-të të Eredivise. Skuadra e Peter Bosz është do të kërkojë që të festojë titullin e 25-të kampion pikërisht në këtë sfidë, pasi nëse arrijnë të marrin maksimumin atëherë matematikisht do të jetë kampionia e re e Holandës.
PSV nuk e fiton titullin prej edicionit 2017-2018 por në sezonin aktual ka qenë një dominuese absolute në çdo drejtim. Në 30 ndeshje të zhvilluara, PSV ka fituar 26, ka barazuar 3 dhe ka pësuar vetëm 1 humbje, duke grumbulluar 81 pikë deri më tani.
Lexo edhe:
- Xavi drejt largimit, Barcelona mund t’i besojë skuadrën Marquez-it
- Felipe Anderson lajmëron largimin nga Lazio: Sezonin e ardhshëm do ndjek një rrugë tjetër
- Pochettino: Penalltia? Sjellje e papranueshme, nuk e tolerojmë më!
- Kriset marrëdhënia Arsenal-Partey, mesfushori pranë kalimit te skuadra e Serie A
Skuadra nga Eindhoven ka dhe sulmin më të mirë me 95 gola e me shumë gjasa do e kalojë shifrën e 100 realizimeve, pasi ka dhe 4 ndeshje deri në fund, ndërkohë që në anën tjetër ka gjithashtu dhe mbrojtjen më të fortë me vetëm 17 gola të pësuar, me një mesatare rreth një goli në dy ndeshje . Në të gjitha këto përballje, PSV ka arritur që të shënojë të paktën një gol, ndërkohë që në 17 ndeshje, ose më shumë se gjysma e sfidave të zhvilluara, e ka mbajtur portën e paprekur.
Momenti I shumëpritur për PSV ka ardhur, që tani është plotësisht e fokusuar për të marrë titullin e 25-të në histori mesjavën e ardhshme. Skuadra e Peter Bosz është gati për festë.
