Trajneri i Egnatias, Edlir Tetova, theksoi në “Elite Show” se objektivi i parë i skuadrës që drejton është triumfi në Kupën e Shqipërisë.
“Ana psikologjike është shumë e rëndësishme për të fituar ndeshjet, sidomos kur vjen nga disa rezultate jo të mira. Mendoj se kjo nuk do të ndikojë në “final four”. Objektivi parësor është fitimi i Kupës. Duam ta mbrojmë, se jemi fitues në fuqi.”
Fizionomia e lojës së Egnatias: “Kemi larguar dy lojtarë, pa harruar ndarjen nga jeta të Dwamenas. Janë 25 gola të larguar. Në fizionominë klubit, kemi prodhimin e lojës. Për të krijuar lojë, të duhen lojtarë që të përshtaten. Është e vështirë kur të largohen lojtarë. Ne kemi një projekt që i ndjekim lojtarët që kanë karakteristikat e duhura.
Lexo edhe:
- Probleme në gjurin e djathtë, Juventus humbet sulmuesin
- Nga Gjimshiti te Muçolli, kuqezinjtë në skanerin e “Analizë Kuqezi”
- Marotta paralajmëron lamtumirën nga Inter: Mbaron kontrata, dua një tjetër eksperiencë!
- Barcelona nuk pret më, kontrata pesëvjeçare dhe klauzolë 100 milionë për talentin
Jemi munduar të gjejmë lojtarë të uritur, që kanë qenë të dëmtuar dhe kanë pasur shumë muaj pa luajtur. Kemi ruajtur boshtin e skuadrës së vjetshme.
Gjithmonë u them lojtarëve të mi që vitin tjetër nuk dua t’ju shoh këtu, sepse unë e shoh Egnatian si një markë dhe dua që klubet nga jashtë të blejnë lojtarët tanë.”
E ardhmja: “Kam edhe një vit kontratë, kam akoma për t’i dhënë ekipit, pastaj duhet të shohim rezultatet.”
