Wolfsburg njoftoi se ka zgjedhur trajnerin për sezonin e ardhshëm. Bruno Labbadia do të mbyllë aventurën në fund të këtij sezoni, kështu që drejtuesit janë vënë menjëherë në lëvizje dhe kanë zgjedhur trajnerin aktual të Lask Linzit në Austri, Oliver Glasner, që u prezantua para medieve.
Nën drejtimin e tij, Lask Linzi u kthye forcë e dytë e kampionatit austriak dhe puna e mirë që ka bërë bindi drejtuesit e “ujqërve” për ta afruar në stol. 44-vjeçari kishte edhe oferta të tjera nga Stuttgart dhe Schalke në Gjermani por zgjodhi Wolfsburg me të cilët firmosi deri në vitin 2022.