Ilirid Ademi u zgjodh lojtari më i mirë i ndeshjes Egnatia-Skënderbeu (2-0), edhe pse golat u shënuan nga brazilianët Pedro Augusto dhe Jackson. 26-vjeçari nga Shkupi foli pas ndeshjes për “Gol pas Goli” në Supersport rreth fitores së sotme dhe asaj që ka ndryshuar pas lëvizjes në janar nga Laçi tek Egnatia.
“E dinim se do ishte ndeshje e vështirë. Fitorja ishte ajo që menduam më së shumti, ia dolëm, por na pret një tjetër ndeshje e fortë ndaj Kastriotit. Ata janë një skuadër e mirë, por shpresoj të marrim tre pikët.
Sulmi? Kemi pasur probleme sa i përket komunikimit, por po punojmë në stërvitje për të dalë përpara portës dhe për të shënuar sa më shumë.
Sa i përket Laçit, kam pasur edhe atje hapësira, por nuk u ambientova mjaft mirë, ata kanë ekip mjaft të mirë. Tek Egnatia po luaj, kolektivi është shumë i mirë. Do të kemi rezultate të tjera pozitive nëse luajmë si sot”, deklaroi sulmuesi anësor.
[quiz-cat id=”288388″]
