Villarreal e ka mbyllur me pikë të plota javën e 18-të të La Liga, ndërsa përballë kishte Girona-n.
Vendasit diktuan ritmin e sfidës, por iu desh shumë punë dhe një kohë e konsiderueshme për të gjetur rrugën drejt rrjetës.
Pjesa e parë e këtij takimi u mbyll me barazim pa gola, ndërsa duhet theksuar se kartonët e verdhë në këtë fraksion ishin me shumicë.
Në pjesën e dytë “lufta” vijoi, ndërsa miqtë mbetën në inferioritet numerik, pasi Bueno mori kartonin e dytë të verdhë dhe la skuadrën e tij me 10 lojtarë në fushën e lojës.
Në minutën e 90+4’ Moreno humbi penallti për Villarreal-in, ndërsa sfida vazhdoi edhe më tej.
Më pas vendasit fituan tjetër penallti dhe në minutën e 90+10’ Parejo shënoi nga pika e bardhë e penalltisë dhe i dhuroi fitoren “nëndetëses së verdhë”.
