Një penallti e akorduar në favor të Laçit në pjesën e dytë, u dha fitoren kurbinasve në sfidën ndaj Kukësit, ndërsa verilindorët reaguan mjaft ashpër ndaj arbitrit Klajdi Kola.
Disa javë më parë Kukësi e kishte shpallur “non grata” arbitrin Kola, pasi anuloi një gol të rregullt të verilindorëve në ndeshjen ndaj Tiranës, megjithatë sot ai u përcaktua të arbitrojë sërish një ndeshje të tyre.
Klubi i Kukësit reagoi zyrtarisht nëpërmjet një komunikate, ku e quajti arbitrimin e Kolës një teatër dhe paralajmëroi se do të bëjë ankimim në prokurori e FSHF për të marrë masa ndaj tij.
Ja komunikata e plotë e Kukësit:
Sot ne “Elbasan Arena” u gjykua nje tjeter ndeshje nga skena teatrale e arbitrimit shqiptar me aktor kryesor kamikazin Klajdi Kola i cili na demton edhe nje here tjeter ne menyre direkte duke ndikuar ne rezultat. Kamikazi Kola akordon nje penallti te paqene kunder skuadres sone, duke i dhene mundesi ekipit kundershtar per te kaluar ne avantazh ne momentet kur ekipi yne kishte ne dore frenet e lojes.
Pavaresisht se FK Kukesi kishte kerkuar nga FSHF dhe nga Liga Profesioniste qe ky kamikaz te mos gjykonte me ekipin tone, Kola u percaktua ne ndeshjen ndaj nesh me tendencen per te na demtuar duke e arritur me sukses objektivin e tij.
Pas ndeshjes ndaj Tiranes (0-0) ku Klajdi Kola anulon nje gol te rregullt te ekipit tone, sot behet vendimtar me kartone te shumte kunder nesh dhe me vendime plotesisht te njeanshme.
