Partizani do të ndeshet këtë të martë në orën 17:00 në transfertë me Atletic d’Escaldes në raundin dytë të Conference League.
Duke folur në konferencën për mediet në prag të këtij takim, trajneri i “të kuqve” të kryeqytetit, Zoran Zekic theksoi se skuadra është gati, ndërsa shtoi se sa i përket kualifikimit, kjo gjë do të shihet pas ndeshjes së parë.
Lexo edhe:
- Pulisic: Pioli më bindi t’i bashkohem Milanit, jam gati të jap gjithçka për ngjyrat “kuqezi”
- Kërkohet nga Al-Ahli, United i bashkohet garës për mesfushorin e Fiorentinës
- Bayern nuk heq dorë nga Kane, pas refuzimit nga Tottenham rrit ndjeshëm ofertën
- Buffon “var dorezat në gozhdë”? Portieri refuzon Arabinë Saudite dhe i përkushtohet gjuhës angleze
Ndeshja e parë ndaj Atletic d’Escaldes luhet në Andorra, ju favorizon kjo?
: Jo nuk besoj. Ajo që është më e rëndësishme është që këtu duhet të jemi të përqendruar maksimalisht dhe të luajmë lojën tonë. Të tregojmë autoritet në ndeshjen e nesërme.
Si është gjendja fizike e skuadrës, e keni të gjithë grupin të gatshëm për neser?
: Sot do të zhvillojmë edhe seancën e fundit. Deri tani të gjithë lojtarët janë të gatshëm. Kemi luajtur dy ndeshje dhe shpresoj që të mos kemi asgjë serioze për ndeshjen e nesërme.
Mendoni që kualifikimi në raundin tjetër do të vendoset në Tiranë?
: Për këtë duhet të flasim pas ndeshjes së parë. Janë dy përballje për t’u luajtur, do të fokusohemi te ndeshja e nesërme. Kemi analizuar kundërshtarin gjatë këtyre ditëve. Nesër duhet të mendojmë për paraqitjen tonë dhe të jemi gati për çdo gjë që mund të ndodhë gjatë ndeshjes.