Maurizio Sarri kërkon një mbrojtës të majtë dhe Igli Tare ka piketuar Sergio Reguilon, i cili ka përfunduar jashtë planeve të Tottenhamit. Klubi londinez e bleu 25-vjeçarin nga Madridi 30 milionë euro dy vite më parë, duke i plotësuar një nga dëshirat kryesore Jose Mourinhos.
“Special One” nuk është më, ai drejton Romën, ndërsa Antonio Conte preferon dyshen Perisic-Sessegnon në linjën e majtë. Lazio ka nisur bisedimet me Spurs për marrjen e lojtarit spanjoll në huazim me të drejtë blerjeje në fund të sezonit për 18-20 milionë euro.
Reguilon dëshironte rikthimin te Sevilla, klub ku bëri mirë dhe fitoi Europa League, por andaluzianët preferuan afrimin e Alex Telles nga Manchester United. I vetmi problem që lidhet me kalimin e Reguilon te Lazio është paga sezonale.
Ish-lojtari i Realit të Madridit përfiton 3.3 milionë euro në sezon nga kontrata me Tottenhamin, ndërkohë që Lazio po kërkon ndihmë nga anglezët për të paguar të dy bashkë pagën vjetore të anësorit të majtë.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?