Pasi humbi ndeshjen e fundjavës ndaj Reims, Lionel Messi nuk ia ka dalë të rikuperohet as për sfidën e nesërme që Paris Saint Germain do të luajë në shtëpi ndaj portugezëve të Benficës.
Përtej rëndësisë së sfidës dhe dëshirës së trajnerit Galtier, ylli argjentinas ndjen ende dhimbje në kavilje dhe klubi parizien ka njoftuar se nuk do të grumbullohet për ndeshjen me portugezët.
Pavarësisht dëmtimit, nuk ka vend për alarm te Argjentina, pasi pritshmëritë janë që 7 herë fituesi i Topit të Artë mund të rikthehet në fushë që të dielën në mbrëmje, kur PSG-ja të presë Marseille në “Parkun e Princave”.