Pas turneut Masters në Cincinnati, Stefanos Tsitsipas dhe Paula Badosa janë gati për US Open dhe kanë mbërritur në Nju Jork pak orë më pare.
E në pritje të nisjes së përgatitjeve dhe turneut, tenisti grek dhe partnerja e tij spanjolle, shfrytëzuan rastin për të bërë shëtitjet e tyre të para në Shtetet e Bashkuara të Amerikës.
‘Big Apple’ ishte destinacioni i parë i çiftit të tenistëve Tsitsipas-Badosa, të cilët po vijojnë të shijojnë Nju Jorkun, në pritje të nisjes së turneut US Open, i planifikuar për të ngritur siparin më 29 gusht.
Tsitsipas dhe Badosa janë padyshim çifti më i përfolur i tenisit, teksa po shijojnë romancën me njëri-tjetrin, që ka nisur disa muaj më parë. Çifti kaluan pushimet në Dubai, ku nuk ngurruan të ndajnë foto në rrjetet sociale me fansat e shumtë që i ndjekin.
Lexo edhe:
- VIDEO/ Ndeshja e parë pa gol me Inter Miamin, Messi dhuron dy asist në përmbysjen e madhe
- Ekskluzive/ Ballkani godet në merkato, firmos me ish-kapitenin e Tiranës
- 30 milionë euro në vit, Mancini nuk humbet kohë dhe nis aventurën e re
- Skuadrat e Superiores humbasin terren ndaj atyre kosovare, “dardanët” e nisin nga Europa League dhe turi i dytë
Historia e dashurisë mes Stefanos Tsitsipas dhe Paula Badosa nisi me një mesazh urimi nga lojtari grek për bukuroshen e tenisit spanjoll. Që atëherë, dyshja kanë pushtuar botën e tenisit me mbështetjen e tyre për njëri-tjetrin. Duke qenë se yjet janë marrëzisht të dashuruar, ata nuk po lënë asnjë mundësi për të qëndruar pranë njëri-tjetrit brenda dhe jashtë fushës së tenisit.
