Manchester City festoi të dielën titullin e nëntë në histori, i pesti në epokën e Pep Guardiolës dhe i treti radhazi. The Citizens janë duke dominuar futbollin anglez në vitet e fundit, megjithatë tekniku spanjoll e di mirë se i duhet edhe Champions League për të marrë të gjitha lëvdatat e punës së jashtëzakonshme.
Edhe pse e pranon se Championsi është një trofe që i duhet me patjetër koleksionit të trofeve të Cityt, 52-vjeçari thekson se është e padrejtë që skuadra e tij nuk vlerësohet maksimalisht pavarësisht nëse ka apo jo sukses në Europë.
Lexo edhe:
- Haaland, për titullin në sezonin debutues te City: Joreal, do ta mbaj mend gjatë gjithë jetës sime
- DigitAlb – Zgjedhja e vetme për Shqiptarët dhe Diasporën
- Nga kualifikimet europiane, te sukseset në kampionate/ Rekordet e trajnerit Ilir Daja!
- Marca zbulon Uzunin, rrëfimi në 360 gradë i sulmuesit: Përballja me Ronaldon dhe premtimi ndaj vetes!
“Ndonjëherë është e padrejtë që të duhet të fitosh patjetër Champions Leaguen në mënyrë që të marrësh të gjitha vlerësimet e merituara. Megjithatë, e pranoj, e di se nuk do të jemi të kompletuar pa trofeun e Champions League.
Është mirë kur luan nën presion, për mua është e nevojshme. Ajo që kemi arritur është e jashtëzakonshme dhe këtë e dinë të gjithë kundërshtarët tanë. Ata e dinë se sa të jashtëzakonshëm jemi ne. Nuk e kisha çuar ndërmend që do të fitoja pesë nga gjashtë kampionate, tashmë duket diçka normale, por është diçka e madhe dhe koha do ta tregojë”, u shpreh Guardiola.