Arsenali merr një goditje të rëndë vetëm një javë pas startit të Premier League. Optimizmi ishte maksimal pas fitores 2-1 në takimin hapës ndaj Nottingham Forest, ku “Topcinjtë” morën tri pikët e para sezonale falë realizimeve të Eddie Nketiah dhe Bukayo Saka, por përvec rezultatit, më shumë se aq spikati loja dominuese, ku londinezët patën 79% të zotërimit të topit.
Sidoqoftë, aspekti i vetëm negativ i ndeshjes së zhvilluar në Emirates ishte dëmtimi i afrimit të ri nga Ajax Amsterdam, Jurrien Timber. Holandezi i blerë për 40 milionë paundë u detyrua të largohej nga fusha e lojës në minutën e 51′. Fillimisht dëmtimi nuk u duk aq serioz për 22-vjecarin, por ekzaminimet e mëvonshme zbuluan që Timber ka këputur ligamentet dhe do të qëndrojë larg fushave për 6 muaj.
Holandezi do të kryejë operimin në ditët në vijim ndërkohë që Arsenali ka disa alternativa të tjera në mbrojtje që mund të mbulojnë boshllëkun e ish-lojtarit të Ajaxit në këtë periudhë. Opsioni më i mundshëm është Oleksandr Zinchenko, por nuk përjashtohet as Takehiro Tomiyasu.
Lexo edhe:
- Kërkonte vëmendje/ Dortmund “çlirohet” pas largimit të Bellingham, shokët të lodhur nga anglezi
- Sylvinho shton konkurrencën, kampioni dardan pjesë e listës për Çekinë dhe Poloninë
- Seria A rikthehet në Digitalb, sezoni i ri 2023-2024 me ofertë të plotë televizive
- “Injorova Barçën dhe prita Realin”, Rodrygo: Shënova tre gola, por ndeshjen tjetër përfundova në stol
Timber u dëmtua vetëm në ndeshjen e tij të dytë zyrtare me 13-herë kampionët e Anglisë, ndërsa ndeshjen e parë me fanellën e Arsenalit e kurorëzoi me trofe, pasi fitoi Community Shield ndaj Manchester City pak ditë para startit të Premier League.
