Sulmuesi i Romës, Romelu Lukaku, ka folur si rrallëherë për jetën e tij private nga grumbullimi me Belgjikën.
Lukaku deklaroi se kur bëhet fjalë për fëmijët dhe për nënën e tij është i gatshëm për gjithçka.
Lexoni edhe:
- Triumfi ndaj Rumanisë, Duka: Urime Kombëtares U21 për fitoren që na dhuroi emocione të mëdha!
- FOTO/ Reagon sërish Vojvoda: Turp për Rumaninë, krenaria jonë më e madhe që jemi shqiptarë!
- “Dëmtim i karakterit dhe imazhit profesional”, Bonucci hedh në gjyq Juventusin
- Pas super formës me Kombëtaren, Ramadani nis menjëherë punën me Lecce për transfertën e Monzas
“Unë bëj gjithçka për fëmijët e mi dhe nënën time. Nëse duhet të bëhet diçka për ta, ne do ta bëjmë menjëherë. Nuk kam humbur asnjë ditë të parë të shkollës për djalin tim të madh. Edhe kur isha jashtë vendit dhe duhej të stërvitesha. Në stërvitjen e tij të parë të futbollit isha gjithmonë aty. Ose edhe për mamin, nëse ajo nuk ndihet mirë ose nëse dëshiron diçka, atëherë unë do të jem aty menjëherë. Ata janë gjithmonë aty për mua, kështu që ka kuptim që edhe unë të jem gjithmonë pranë tyre”-tha ai.
Ndërsa sa i përket partneres, sulmuesi i Romës u shpreh se për të nuk ka rëndësi pamja, por truri.
“Një trup fantastik nuk ka shumë rëndësi për mua. Unë jam më i interesuar për atë që ke në kokë. Sidomos kur rriteni dhe keni fëmijë, filloni të mendoni më shumë. Vetëm një grua që arrin të më stimulojë intelektualisht ka një shans me mua”,-përfundon ai.