Gleison Bremer është kthyer në një nga lojtarët më të kërkuar të momentit, jo vetëm në Itali, por edhe në elitat e tjera të futbollit evropian.
Paraqitjet e shkëlqyera të brazilianit e kanë ndezur profilin e tij dhe klube nga më të mëdhatë janë duke e ndjekur me vëmendje ecurinë e mbrojtësit.
Sipas raportimeve të mediave në Gjermani, pas Interit që u vu në lëvizje i pari, tani edhe Bayern Munich po mendon për mbrojtësin torinez në funksion të sezonit të ardhshëm duke planifikuar një investim për ta marrë atë.
Lajm që hap skenarë interesantë sidomos për Torinon dhe për mundësinë e arkëtimit të një shume të rëndësishme nga një shitje e cila do e ndihmonte shumë ekipin e Seria A.