Elozhet për Bayer Leverkusen dhe Xabi Alonson në këtë sezon nuk kanë fund. Trajneri spanjoll po i udhëheq “Aspirinat” drejt një sezoni magjepsës dhe që mund të shkruhet me gërma të arta në historinë e gjermanëve.
Leverkusen është më pranë se kurrë titullit të parë historik në Bundesliga, ndërsa skuadra garon edhe në dy fronte të tjera, Kupën e Gjermanisë (në finale ndaj Kaiserslautern) dhe në Europa League në faën çerekfinale. Të gjitha këto arritje, e kanë shndërruar Xabi Alonson në prej trajnerëve më të preferuar të klubeve gjigande të “Kontinentit të Vjetër”.
Lexo edhe:
- Keqardhje për një shtyllë, paqe në “Air Albania” mes Partizanit dhe Vllaznisë
- Aktivizimi i Brojës i sjell buzëqeshjen Sylvinhos, sulmuesi pret më shumë hapësira te Fulham
- VIDEO/ Fenerbahçe braktis finalen pas 3 minutash lojë, Galatasaray feston triumfin surreal
- VIDEO/ “Betejë” pa fitues në “Old Trafford”, United frenon Liverpoolin
Edhe pse spanjolli disa ditë më parë deklaroi se do të qëndrojë te Leverkusen edhe në sezonin e ardhshëm, një klauzolë e publikuar së fundmi nga “Sunday Mirror”, duket se ristarton nga e para telenovelën për 42-vjeçarin. Sipas medias britanike, Xabi Alonso ka një klauzolë e cila e lejon të largohet para përfundimit të kontratës në vitin 2026, nëse në arkat e klubit gjerman derdhen 15 milionë euro.
Një shifër të cilën Bayern Munich dhe Liverpool mund ta përballojnë pa problem për të përfituar një menaxher si Alonso. Ky i fundit ka një të kaluar si lojtar te Bayern dhe Liverpool, duke u bërë kështu edhe më i preferuar për dy klubet e sipërpërmendura.
Megjithatë, mbetet për t’u parë pasi edhe vetë dëshira e Alonsos është për t’u marrë në konsideratë dhe të paktën për momentin, ai ka zgjedhur Leverkusenin.
