“Titullin e Serie A apo Champions League? Patjetër titullin, sepse e di se sa i rëndësishëm është ylli i dytë për klubin dhe për tifozët. Edhe nëse Champions League është një ëndërr, unë zgjedh titullin. Ne duam të arrijmë sa më larg që të jetë e mundur”-kështu e nisi prononcimin për mediet Tijjani Reijnders, një nga yjet e rinj të skuadrës së Milanit.
Përpara se të bashkohej me Milanin, mesfushori holandez u kërkua nga disa klube të tjerë, përfshirë edhe nga Barcelona.
Lexo edhe:
- Adli: Besoni tek unë sepse gjithmonë do të jap më të mirën për Milanin
- U deklarua pro Palestinës, Bayern përjashton Mazraoui-n nga stërvitja
- “Futbolli nuk më mungon”, Hazard: Nuk isha i lumtur as në stërvitje
- Trajneri i Guler nuk përmbahet: Ka më shumë potencial se Messi!
Duke sqaruar zgjedhjen që bëri, Reijnders shtoi se për të Milani ishte prioritet.
“Nuk e kam menduar shumë, Milani ishte në vendin e parë për mua. Ata më shpjeguan se si donin të luaja dhe menjëherë kuptova se ishte zgjidhja më e mirë”-deklaroi mesfushori.
Më tej duke folur për marrëdhënien që ka me trajnerin Stefano Pioli, 25-vjeçari u shpreh se në fillim e kishte pak të vështirë prej gjuhës, por që tani sipas tij është një marrëdhënie e shkëlqyer.
“Ne kemi një marrëdhënie të shkëlqyer, në fillim ishte pak më e vështirë për shkak të gjuhës, por tani studioj italisht. Bëj mësime në italisht dhe shikoj filma. Mendoj se është mënyra më e mirë për të mësuar”-deklaroi ndër të tjera Tijjani Reijnders.
