E ardhmja e Federico Chiesas është ende për t’u përcaktuar. Sipas asaj që raportohet nga “La Gazzetta dello Sport”, klubi i Juventusit gjatë verës së ardhshme do të duhet të ulë shpenzimet për pagat dhe për këtë arsye është e pamendueshme që një propozim rinovimi t’i bëhet lojtarit me një pagë më të lartë se ajo aktuale.
Në javët e fundit drejtuesit kanë vënë në tavolinë një zgjatje me të njëjtat shifra, pra 5 milionë euro në sezon, por diskutimet nuk kanë arritur në një pikë të përbashkët. Është e qartë se, nëse nuk arrihet marrëveshja, Federico Chiesa do të largohet nga Juve në verë.
Lexo edhe:
- VIDEO/ Daku i papërmbajtshëm, pas golit vjen edhe asisti për të “blinduar” fitoren
- Ish-lojtari i kombëtares e mbyll për momentin me futbollin: Kam nevojë të pushoj!
- Man. United sërish pazar tek Interi, gati 60 mln Euro për 25-vjeçarin
- Al-Khelaifi: Laporta, kur do të heqësh dorë nga kjo idiotësi?!
Javë më parë, menaxheri i lojtarit, Fali Ramadani, i premtoi Cristiano Giuntolit se klienti i tij nuk do të largohet nga Torino si lojtar i lirë dhe diskutimet do të vazhdojnë në fund të sezonit, kur edhe do të jetë e sigurt se cili trajner do të ulet në stolin e Juventusit sezonin e ardhshëm.