Vitor Roque u transferua në merkaton e janarit te Barcelona nga Athletico Paranaense për shifrën e 40 milionë eurove. Pritshmëritë për brazilianin ishin shumë të larta, por duket se kohët e fundit, marrëdhënia e 19-vjeçarit me trajnerin Xavi Hernandez dhe klubin spanjoll ka pësuar një krisje.
Këtë e zbulon agjenti i sulmuesit, Andre Cury i cili thekson se priste më shumë minuta në dispozicion të klientit të tij duke shtuar se tashmë, trajneri Xavi nuk i flet as me gojë 19-vjeçarit.
Lexoni edhe:
- VIDEO/ Roma s’ia del të mposhtë Juventusin, Atalanta rrit shanset për vendin e pestë
- VIDEO/ Tottenham zgjohet vonë, Liverpool triumfon mes spektaklit
- VIDEO/ Predhë si ndaj Serbisë, Granit Xhaka shënon një tjetër gol spektakolar
- Norris rrëzon nga froni Verstappen, McLaren rikthehet te triumfi që mungonte nga viti 2021
“Nuk mund të vazhdohet më në këtë mënyrë dhe nuk e përjashtoj që ai të largohet një herë e mirë nga Barcelona. Nuk ka për të ikur me formulën e huazimit, këtë e garantoj unë. Nëse Vitor largohet këtë verë, atëherë do të jetë një largim përfundimtar.
Askush nuk e kupton pse Xavi nuk e aktivizon në ndeshje, ai as nuk i flet me gojë Vitorit. Besoj se kjo nuk është sjellja e duhur. Ne e zgjodhëm Barcelonën sepse Vitor e dashuron këtë klub, refuzuam klube të cilat na dhuruan dyfishin e rrogës që ai përfiton te Barça.
Por, kështu me Xavin që nuk i jep asnjë shans lojtarit nuk mund të vazhdohet. Pa minuta dhe pa folur, është e papranueshme”, u shpreh Cury.
