Manchester City “hedh sytë” nga Dani Olmo i Leipzig. Sipas të përditshmes spanjolle “Marca”, kampionët e Europës janë vënë në ndjekje të spanjollit i cili ka tërhequr vëmëndjen me paraqitjet e tij në “Red Bull Arena”.
Trajneri i “Qytetarëve”, Pep Guardiola e pëlqen së tepërmi 25-vjeçarin i cili është pjesë e gjermanëve që nga janari i vitit 2020. City ia ka ofruar Ëest Ham-it 70 milion paund për brazilianin, Lucas Paqueta, ofertë e cila u refuzua nga “Çekanët” të cilët e blenë ish-lojtarin e Milan-it për shifrën e 43 milion paundëve nga Lyoni.
Lexo edhe:
- Juventus interesohet për Donnarumma-n, PSG-ja e hapur për një ofertë të mirë
- Zyrtare/ Kukësi përforcon skuadrën, firmos për dy sezone me ish-mbrojtësin e Korabit
- Seria A rikthehet në Digitalb, sezoni i ri 2023-2024 me ofertë të plotë televizive
- VIDEO/ Vojvoda realizon super gol dhe ndihmon Torinon të kalojë në raundin tjetër të Kupës së Italisë
Sipas mediave angleze, Leipzig e vlerëson lojtarin plot 100 milion euro. Klubi gjerman, i cili sapo fitoi Superkupën në një finale me Bayernin, ka paguar plot 29 mln euro në arkat e kroatëve të Dinamos së Zagrebit për shërbimet e 25-vjeçarit. Pas 3 sezonesh e gjysëm në “Red Bull Arena”, klubi kërkon të përfitojë jo më pak se 100 milion për lojtarin i cili është një prodhim i akademisë së Barcelonës.
Dani Olmo e ka nisur karrierën si profesionist tek Dinamo Zagreb në vitin 2014, pas 5 sezonesh e gjysëm tek kampionët kroatë erdhi transferimi në Bundesligën gjermane. Midis Gjermanisë dhe Kroacisë, futbollisti ka zhvilluar 248 ndeshje dhe ka shënuar 58 gola, teksa ka bërë dhe 31 ndeshje me përfaqesuesen e Spanjës.