Jude Bellingham vazhdon të tregojë se ishte një goditje në afrimet e Real Madrid këtë verë.
Mesfushori i dha tre pikët dhe fitoren e tretë radhazi ekipit të tij, në transfertë e Celta Vigo që u mbyll me rezultatin 0-1.
Lexo edhe:
- Ilir Daja: Fitore e madhe e Ballkanit dhe e gjithë Kosovës
- VIDEO/ “The show must go on”, Ballkani me një këmbë në grupet e Conference League
- Redon Xhixha nuk ndalet, dhuron asist dhe afron Qarabagun me grupet e Europa League (video)
- Deschamps: Mendy i pafajshëm, por u dënua nga “Gjykata” e medias. Te Franca i ka dyert e hapura
Vendasit gjetën rrugën drejt rrjetës që në minutën e tretë, por ai gol u anulua pas verifikimit në VAR për faullin që Larsen shkaktoi ndaj Kepa-s.
Pavarësisht tentativave nga të dyja skuadrat, pjesa e parë u mbyll me barazim pa gola.
Në minutën e 67’ Rodrygo fitoi penallti, që u shkaktua nga ndërhyrja e gabuar e portierit të vendasve.
Braziliani e mori vetë përsipër ekzekutimin e penalltisë në minutën e 68’, megjithatë ai u ndal nga Villar.
Në minutën e 81’ Bellingham do të kthehej në rolin e tij atë të “heroit”, duke shënuar me kokë dhe duke u dhënë fitoren madrilenëve.
Në fund gjithçka u mbyll me rezultatin 0-1, me Celta Vigo që renditet në vend të 16-të me një pikë, teksa Real Madrid kryeson me nëntë pikë.
Momentet më pikante të ndeshjes:
Vendasit gjetën rrugën drejt rrjetës që në minutën e tretë, megjithatë ai gol u anulua pas faullit që Larsen shkaktoi ndaj Kepa-s, me pjesën e parë që u mbyll pa gola.
Në minutën e 67’ Rodrygo fitoi penallti pas ndërhyrjes së gabuar të Villar.
Ai e mori përsipër vet ekzekutimin e penalltisë, por nuk ia doli ta çonte topin në rrjetë pasi u ndal nga portieri i vendasve.
Megjithatë në minutën e 81′ ai që po kthehet në “heroin” e Real Madrid, Jude Bellingham zhbllokon sfidën me një goditje me kokë.
