Fury Fight Club, ofron spektakël këtë të diel në kryeqytet. Në Sheshin Nënë Tereza do të zhvillohet një turne ndeshjesh boksi dhe kick boksi i konceptuar në një formë ndërthurje mes dueleve të forta por edhe spektaklit.
Fury Fight Club sjell duele mjaft interesante në disiplinat luftarake ku përfshihen fillimisht 5 përballje të ndezura ku sportistë të kombëtares shqiptare olimpike të boksit do të përballen me rivalët e përfaqësueses greke të boksit olimpik.
Një rast i rëndësishëm ky për boksierët shqiptarë për të demonstruar vlerat e tyre para publikut që pritet të jetë i zjarrtë. Në hapësirat mes ndeshjeve do të jetë prezent spektakli me performanca nga DJ, këngëtarë të njohur dhe shfaqje koreografike.
Lexo edhe:
- VIDEO/ “Ujqërit” i shkaktojnë humbjen e parë Cityt, bie edhe United! Arsenal nuk fal në transfertë
- “Në verë refuzova ofertën më të çmendur”, Mourinho: Nuk jam unë problemi i Romës
- VIDEO/ Et’hemi gjen rrugën e rrjetës në Turqi, sulmuesi shqiptar realizon golin e parë sezonal
- “Nuk jam dakord me Piolin”, Allegri në telashe para Atalantës: Mungojnë dy sulmuesit!
Gjithsesi pjesa më e rëndësishme do të jetë ajo e mbrëmjes ku do përfshihen 5 duele të zjarrta në kick boks, që janë edhe main event, dhe që do të mund t’i ndiqni drejtpërdrejt me transmetimin në kanalin SuperSport 5, të platformës DigitAlb/Supersport.
Duelet e kick boksit do të përfshijnë disa nga sportistët më të suksesshëm shqiptarë përballë rivalëve nga Europa duke ndezur mbrëmjen e kryeqytetit me një event që evidenton vlerat e sportistëve shqiptarë duke ju dhënë mundësinë që të garojnë në ndeshje të nivelit ndërkombëtar e duke pasuruar njëkohësisht edhe gamën e eventeve sportive të kryeqytetit.
