Humbja e Kosovës në ndeshjen e fundit të kualifikueseve të EURO 2024 ndaj Bjellorusisë, për Fidan Alitin ndodhi pasi ata nuk patën fat.
Duke folur për emisionin “Dardanët” në SuperSport/Digitalb, Aliti theksoi se grupi duhet të reflektojë pas këtyre eliminatoreve dhe të tentojnë të ngrihen.
Lexo edhe:
- VIDEO/ Kosova bie ndaj Bjellorusisë në “Fadil Vokrri”, i mbyll kualifikueset në vend të pestë të Grupit I
- Tre gola dhe gjashtë asistë në këtë sezon, Laçi rinovon me xhevahirin e mesfushës
- VIDEO/ Holanda “luan tenis” ndaj Gjibraltarit, Franca barazim spektakolar me Greqinë
- “A do të qëndrosh te Roma edhe vitin tjetër”? Portugezi i përgjigjet me puthje pyetjes së tifozit
Çfarë u desh sonte që të fitonim? “Kualifikimi ka mbaruar, realiteti është tabela. Jemi të zhgënjyer pasi donim që të paktën të ishim mirë në renditje, para Bjellorusisë, por nuk patëm fat sot që të gjenim golin.”
A duhet të ndryshojnë lojtarë te skuadra? “Është shumë herët për të folur për atë punë. Mbas këtyre eliminatoreve duhet të bashkohemi dhe të diskutojmë e shohim çfarë shkoi mirë apo çfarë shkoi keq. “
Trajneri çfarë ju tha pas ndeshjes? “Asgjë speciale, kemi folur disa gjëra të vogla si të gjithë.”
A mund të jetë rasti u Kosovës që nëse duam suksesin së pari duhet të prekim njëherë fundin? “Shpresojmë! Dëshira e të gjithë lojtarëve është që të ngrihemi, por kështu është futbolli, ndonjëherë fiton e ndonjëherë humb.”