Liverpooli hedh një hap të sigurt drejt kualifikimit në gjysmëfinale të Champions League. Skuadra angleze triumfoi 1-3 në fushën e Benfikës e tashmë thjesht do të duhet të administrojë diferencën prej dy golash në sfidën e kthimit në “Anfield” për të vijuar garën në raundin e parafundit të kompeticionit.
Konate e shënoi golin e parë që në minutën e 17-të, për të ardhur te goli i Manesë në të 34-tën. Talenti i Benfikës, Nunes, ngushtoi diferencën në fillim të pjesës së dytë, por në fundin e sfidës Diaz shënoi golin e rezultatit përfundimtar 1-3.
Një tjetër ekip anglez merr fitoren në ndeshjen e parë çerekfinale të Championsit, pikërisht Manchester City, që iu imponua me rezultatin e ngushtë 1-0 Atleticos së Madridit në “Etihad”. Golin e vetëm të kësaj përballjeje e realizoi Kevin De Bruyne në minutën e 70-të, i shërbyer nga Foden. Gjithsesi, skuadra e drejtuar nga Simeone ka ende shpresa për të avancuar, sigurisht nëse do të fitojë në “Wanda Metropolitano” në sfidën e kthimit.