Jonathan David duket se po luan ndeshjet e fundit me Lille, kjo pasi sulmuesi kanadez me shumë mundësi do të largohet gjatë merkatos së verës.
23-vjeçari po përjeton sezonin e tij më të mirë në karrierë, me David i cili ka shënuar 23 gola në 35 ndeshje, ndërkohë po luan sezonin e tij të tretë në Francë, pasi më parë ishte pjesë e skuadrës belge të Gent.
Lexo edhe:
- Xavi nuk është i bindur, Juventus dhe Barcelona shkëmbejnë mesfushorët
- Federer apo Nadal? Tenisti grek zgjedh më të mirin në histori
- Dëmtimi i Kumbullës, FSHF dhe Presidenti Duka i urojnë shërim të shpejtë mbrojtësit kuqezi
- 20-vjeçari në fokusin e klubeve më të mëdha europiane, ish-futbollisti: I ngjan Gerrard dhe Lampard
Kanadezi ka shumë “admirues” në Premier League, por në skenë është shfaqur edhe Paris Saint-Germain, me parizienët të cilët e shohin më të lehtë rrugën për të mbërritur te David, pavarësisht se dëshira e drejtuesve është Osimhen i Napolit, një ish-lojtar i Lille.
Napoli ka rritur ndjeshëm kërkesat për lojtarin dhe kjo ka bërë që parizienët të mendohen dy herë, por tani duket se këta të fundit kanë nisur nga puna për “planin B” dhe ai është David.
Me Mbappe, Messi dhe Neymar në pikëpyetje, në Paris kërkojnë një sulmues që premton dhe kanadezi jo vetëm e ka vërtetuar këtë gjë, por tani e njeh shumë mirë kampionatin francez.
Jonathan David ka një kontratë aktuale me Lille deri në verën e vitit 2025 dhe vlera e kartonit të tij për momentin është 65 milionë euro, por sipas medieve franceze, drejtuesit parizienë janë të vendosur për të ofruar deri në 80 milionë euro dhe për të fituar konkurrencën me ekipet angleze që janë të interesuara për shërbimet e sulmuesit.
